Әлеуметтік желі арқылы қала тұрғындарынан сауалнама алынды.

Семей қаласы қоқыс қалдықтарына көміліп жатыр. Бұл көрініс жүректі ауыртады. Көп адамдар жарамсыз заттарды жерге тастауды әлі де қояр емес. Біз әлеуметтік желілердің қазіргі уақытта ықпалы өте зор екендігін ескере отырып, semey_ne_Zhanalyk инстаграм парақшасы арқылы қала тұрғындары арасында сауалнама жүргізіп, пікірлерін білдік. Бұл парақшаға 19 мыңнан аса адам тіркелген. Сауалнама барысында екі сұрақ қойылды: 
    Сіз қоқыс қалдықтарын қоқыс жәшігіне апарып саласыз ба?
    Қаланы қалдықтардан тазарту жұмыстары қалай жүргізілуде?
Сауалнама нәтижесінде бірінші сұраққа барлық адамдар «иә» деп жауап берсе, екінші сұраққа орташа деп жеткізген. 
Сіз қала үшін ешқандай жақсылық жасай алмасаңыз да, жамандық жасамау қолыңыздан келеді... Сол үшін семейлік тұрғын ретінде қоқысты мәселесіне бей-жай қарамауға шақырамыз.