«Елбасы Медалі» жобасы

ҚР Тұңғыш Президенті – Елбасының «Ел Үміті» бастамасының аясында ШҚО-да 2020 жылдан бастап «Елбасы Медалі» жобасы жүзеге асырылып жатыр. «Елбасы Медалі» - талантты және бәсекеге қабілетті жастарды тәрбиелеу жөніндегі бірегей бағдарлама. 7 негізгі бағыттан тұрады: спорт, таланттар мен дағдылар, кітап оқу, ұлттық мұра, волонтерлік, экспедициялар мен туристік жорықтар, еңбек практикасы. Бағдарламаға 14 және одан жоғары жастағы жалпы білім беру ұйымдарының барлық тілек білдірген оқушылары қатыса алады. Жобаның мақсаты – қиындықтарды жеңе алатын, әр түрлі салаларда өзін жүйелі түрде дамытатын, өзгеге қамқорлық жасайтын, қойылған мақсаттар мен жоғары нәтижелерге қол жеткізе алатын үйлесімді дамыған тұлғаны қалыптастыру.

Республиканың жоғары оқу орындарында білім алу үшін «Елбасы Медаліне» ие болған облыстың 32 түлегі білім граттарын алды. Мектебімізде осы бағдарлама аясында үміткер болып, биылғы оқу жылынан бастап жұмыс жасап жатқан оқушылар бар. Олар  тәжірибелерімен бөлісе отырып, өз құрбылыстарын қатарларына қосылуға шақырады.