29
февраль
2024
1-ШІ НАУРЫЗ АЛҒЫС АЙТУ КҮНІ!!! МЫҢ АЛҒЫС САҒАН - АНАШЫМ!
1-ШІ НАУРЫЗ АЛҒЫС АЙТУ КҮНІ!!!
МЫҢ АЛҒЫС САҒАН - АНАШЫМ!
... Есейіп кетсемде, мен саған сәбимін.
Көгілдір көктемдей көзіңнен танимын.
«Ана туралы жыр» әнінен.
АНА... Осы үш қана әріптен құралған ұлы сөзге әлемдегі барлық жылулық, барлық пәк сезім, барлық бақыт пен махаббат, тіпті бүкіл жаһан сыйып кеткендей...
Анаға қаншама ақындар жыр арнаған. Қаншама жазушылар шығарма жазған. Ана – мәңгілік тақырып. Аналарға қанша жылы сөздер мен дүниенің барлық асылын алдарына әкеп үйіп қойсаң да, осы жандардың ақ сүтін өтей алмайсың.
Жер бетіндегі Аналардың тілеуі бір. Ол – мейірімділік, адалдық, бейбітшілік, адамгершілік. Ұрпағының аман-саулығы.
Дүние есігін ашқаннан бері асыл Анамыздың аялы алақаны мен жылы құшағының арқасында ешқандай қиындықты сезінбей өсіп келеміз.Әкеміз бен Анамыз біздің болашағымыз үшін еңбек етуде. Бізді қатарымыздан қалмай, білім алып, еліміздің елеулі азаматтарының бірі болса екен деп тілейді. Біз үшін түн ұйқысын төрт бөлген Анамыздың қасымызда екеніне қуанайық. Оның таңертең еркелетіп оятқаны, кейде көңілсіз болсақ, келіп жып жылы алақанымен маңдайымызды сипап, бетімізден өпкені, ауыра қалсақ, қасыңнан кетпей қинала қарайтын жанары – бәрі бізге ерекше күш беріп, сәуле шашқан күн сияқты.
Кейде Анамыз бір-екі күнге қыдырып кетсе, үй іші де жылусыз қалған сияқты болады. Анамыз есікті ашып кіріп келгенде, күннің нұры құйылып кеткендей, бәріміз көктемгі жапырақтай жадырап сала береміз.
Осы аяулы жандарды кейде ренжітіп алғанымызды да байқай бермейміз-ау. Орынсыз талаптар қойып, еркелігімізді асырып та жібереміз. Дауыс көтеріп жататындарымыз да болады. Бірақ, осы қылықтарымызға Анамыздың іштей налып, қиналатынын қайсібіріміз ойламаймыз да ғой. Қателігімізді түсініп, бір ауыз жылы сөз айтып, кешірім де сұрамаймыз. Иә, «алтынның қолда барда қадірі жоқ» екенін біреуіміз түсінсек, енді біріміз түсінбейміз.
Бала үшін Ананың орны бөлек. Ана – бұлақ, біздің өміріміз Анамызбен көрікті.
АЯУЛЫ АНА! Саған деген жүрегіміздегі ризашылық сезімімізді қаншама сөз маржанын терсекте, жеткізе алмаспыз. Бұл дүниеде сенімен ғана бақытты екенімізді білеміз. Анашым, біз үшін дүниенің бар асылы – бір өзіңсіз! Қасымызда болмасаңыз, өміріміздің сәні де, мәні де болмас. Сен – ақылшым, сен – тірегім, сен – кәусар бұлағымызсың.Әрқашан қасымызда болыңызшы, Анашым. Дүниеде сендей асыл жанның болғанына ризамыз. Біз үшін түн ұйқыңды төрт бөлгенің үшін, бізге деген ыстық ықыласың үшін, аялы алақаның мен жылы құшағың үшін, мейірім толы жүрегің үшін мың алғыс саған, АНАШЫМ!!!
[media=https://youtube.com/shorts/wJ_me1AIc4Q?si=UpgMUuvbOhYbQLZ2]
МЫҢ АЛҒЫС САҒАН - АНАШЫМ!
... Есейіп кетсемде, мен саған сәбимін.
Көгілдір көктемдей көзіңнен танимын.
«Ана туралы жыр» әнінен.
АНА... Осы үш қана әріптен құралған ұлы сөзге әлемдегі барлық жылулық, барлық пәк сезім, барлық бақыт пен махаббат, тіпті бүкіл жаһан сыйып кеткендей...
Анаға қаншама ақындар жыр арнаған. Қаншама жазушылар шығарма жазған. Ана – мәңгілік тақырып. Аналарға қанша жылы сөздер мен дүниенің барлық асылын алдарына әкеп үйіп қойсаң да, осы жандардың ақ сүтін өтей алмайсың.
Жер бетіндегі Аналардың тілеуі бір. Ол – мейірімділік, адалдық, бейбітшілік, адамгершілік. Ұрпағының аман-саулығы.
Дүние есігін ашқаннан бері асыл Анамыздың аялы алақаны мен жылы құшағының арқасында ешқандай қиындықты сезінбей өсіп келеміз.Әкеміз бен Анамыз біздің болашағымыз үшін еңбек етуде. Бізді қатарымыздан қалмай, білім алып, еліміздің елеулі азаматтарының бірі болса екен деп тілейді. Біз үшін түн ұйқысын төрт бөлген Анамыздың қасымызда екеніне қуанайық. Оның таңертең еркелетіп оятқаны, кейде көңілсіз болсақ, келіп жып жылы алақанымен маңдайымызды сипап, бетімізден өпкені, ауыра қалсақ, қасыңнан кетпей қинала қарайтын жанары – бәрі бізге ерекше күш беріп, сәуле шашқан күн сияқты.
Кейде Анамыз бір-екі күнге қыдырып кетсе, үй іші де жылусыз қалған сияқты болады. Анамыз есікті ашып кіріп келгенде, күннің нұры құйылып кеткендей, бәріміз көктемгі жапырақтай жадырап сала береміз.
Осы аяулы жандарды кейде ренжітіп алғанымызды да байқай бермейміз-ау. Орынсыз талаптар қойып, еркелігімізді асырып та жібереміз. Дауыс көтеріп жататындарымыз да болады. Бірақ, осы қылықтарымызға Анамыздың іштей налып, қиналатынын қайсібіріміз ойламаймыз да ғой. Қателігімізді түсініп, бір ауыз жылы сөз айтып, кешірім де сұрамаймыз. Иә, «алтынның қолда барда қадірі жоқ» екенін біреуіміз түсінсек, енді біріміз түсінбейміз.
Бала үшін Ананың орны бөлек. Ана – бұлақ, біздің өміріміз Анамызбен көрікті.
АЯУЛЫ АНА! Саған деген жүрегіміздегі ризашылық сезімімізді қаншама сөз маржанын терсекте, жеткізе алмаспыз. Бұл дүниеде сенімен ғана бақытты екенімізді білеміз. Анашым, біз үшін дүниенің бар асылы – бір өзіңсіз! Қасымызда болмасаңыз, өміріміздің сәні де, мәні де болмас. Сен – ақылшым, сен – тірегім, сен – кәусар бұлағымызсың.Әрқашан қасымызда болыңызшы, Анашым. Дүниеде сендей асыл жанның болғанына ризамыз. Біз үшін түн ұйқыңды төрт бөлгенің үшін, бізге деген ыстық ықыласың үшін, аялы алақаның мен жылы құшағың үшін, мейірім толы жүрегің үшін мың алғыс саған, АНАШЫМ!!!
[media=https://youtube.com/shorts/wJ_me1AIc4Q?si=UpgMUuvbOhYbQLZ2]