«Әже тәрбиесі» тақырыбында 4«В» сынып оқушысы Ақылжан Алянура өз тәжірибесімен бөлісті.

Ата - ана шеберлігі институты жобасы аясында «Әже тәрбиесі» тақырыбында 4«В» сынып оқушысы Ақылжан Алянура өз тәжірибесімен бөлісті. Бұрынғы уақытта балалар көбінесе ата-әже бауырында өскен. Олар үлкендердің ертегі, әңгімесін тыңдап, зейін қойып өскен. Ол балалар үлкенге құрмет, кішіге мейірімді, ілтипатты болған. Қазір көбінесе теледидар немесе компьютер алдында отырады да кино, көпсериялы мультфильмдер көреді. Одан қандай тәлім алып жатқанын да білмейміз. Ал Алянура  күнделікті әжесінің ертегісін тыңдауды жөн көреді.Өйткені ертегі тыңдау арқылы бала оған еліктейді, өзі де ертегінің басқа түрін, ойлап шығарады. Түйсік қабілеттері дамиды. Кішкентайынан ертегі тыңдап өскен бала ақылды, зерек, терең ойлы, зейінді болып өседі. Ертегі жаңа өскін балауса буынның сана-сезімін оятып, ақыл-есін дамытып, адамгершілікке тәрбиелейді. Демалыс уақытында балаларыңызға, немерелеріңізге ертегі айтып беруге кеңес береміз. Себебі ертегілер өмір бойғы тәртібімізді, қарым-қатынасымызды қалыптастырады, шыдамдыққа, қайсарлыққа, болашаққа міндеттер қойып, соған жетуге үйретеді. Ертегі ойлау қабілетін, қиялдауға да көп септігін тигізеді.