Қалдықтарды дұрыс сұрыптай білу эковолонтер назарында

Қазіргі кездегі экологиялық проблемалардың бірі – қоқыс мәселесі. Біз қалдықтарды дұрыс сұрыптау және ескі заттарға екінші өмір сыйлау арқылы қоршаған ортаны қорғауға өз үлесімізді қоса аламыз. Қажет емес заттар шығармашылыққа, пайдалы тұрмыстық затқа, интерьердің ерекше бөлігіне айналуы мүмкін. Мектебіміздің жас маманы Турарбекова Айым қала тұрғындарына экологиялық жағдайды жақсартуға шақыратын жаднамаларды таратып, үй подъездеріне парақшалар ілді. Мақсаты: қала тұрғындарына түсіндіру парақшаларын тарату арқылы экология мәдениетін насихаттау, тұрмыс қалдықтарын сұрыптап жинауға шақыру, қала экологиясының жақсаруына үлес қосу.