Қаламызда ҚТҚ бөлек жинау үшін арнайы контейнерлер орналастырылуда

Қазіргі уақытта қалдықтар, оларды сұрыптау мәселелері өзекті болып отыр. Қалдықтардың барлық түрлерін есептегенде өндірілетін табиғи заттар мен энергияның тек 2%-ы ғана пайдаға асырылады. Қалған 98%-ы әр түрлі қалдықтарға айналады. Осы орайда қаламыздағы маңызды, адамдар көп жиналатын орындарда қайта өңделетін қатты тұрмыстық қалдықтарды (ҚТҚ) бөлек жинау үшін арнайы контейнерлер орналастырылуда, бұл қуанарлық жағдай. Соның бірі – темір жол вокзалы. Мұнда пластик, қағаз, шыны және қазіргі елдегі жағдайға байланысты бетперделер мен қолғаптарға арналған жәшіктер орнатылған. Бұл тұрғындар мен қалаға келушілердің қалдықтарды бөлек жинауға деген көзқарастарының өзгеруіне септігін тигізуде. Бірге іс-әрекет жасау арқылы қоршаған ортамызды қорғауға өз үлесімізді қосайық.