Тұрмыстық қалдықтарды сұрыптап жинау пайдалы.
Тұрмыстық қатты қалдықтардың құрамына тағам қалдықтары, қағаз, металл сынықтары, резеңке, шыны, ағаш, мата және пластик, синтетикалық қалдықтар кіреді. Атмосфералық тұнбалар, күн жылуы, қоқыстардың қатты қалдықтар полигондарында физика-химиялық және биохимиялық үрдістердің жүруіне әсерін тигізеді. Яғни, қалдықтарды сақтағанда сұйық, қатты және газ тәрізді көптеген улы химикаттар пайда болады. Бұл биосфераға және адамзат өміріне үлкен қауіп төндіреді, қоқыстардың қоршаған ортаға биогендік әсерінің нәтижесінде жәндіктер, құстар, кеміргіштер арқылы бактериялар мен вирустар үлкен қашықтықтарға тарайды. Сол себепті қоршаған ортадағы қоқыстарды қадағалау, оларды сұрыптап жинап, қалдықтарға екінші өмір сыйлауға болатындығы туралы мектеп ұстаздарынан құралған волонтерлер мүшесі Солтанаев Н.Ш. Семей қалалық орталық базар маңында халықтарды ақпаратпен таныстырып, ұсыныстар жасалды.
