«Бәрі өз қолымызда»

Мектебіміздің жас волонтерлары, 4”В” сынып оқушылары – Біржанов Елжан мен Жанболатқызы Інжу өз ауласындағы адамдарға қоқыс қалдықтарын бөліп сұрыптауды, оның маңызы жайлы мәліметтер берді. Аула тұрғындарын тазалықты сақтауға, қоқысты бөліп жинауға шақырды. Өздері кішкентай болса да, үлкен мәселені қозғап тұрған балақайларға риза болған үлкендер «Иә, ауламызды таза ұстау өз қолымызда. Ал, қоқыстарды сұрыптап тастау деген тың мәселе екен. Көп болып жұмылсақ, бұның да шешімін табуға болар. Талаптарына нұр жаусын!» деп тарқасты. Кішкентай волонтерлар аула тазалығын үнемі өз назарларында ұстамақшы.