«Жас ұстаз: табысқа апарар жол» клубы кездесуі өтті

       12 мамыр күні «№3 жалпы орта білім беретін мектебі» КММ-де Педагогикалық шеберлік орталығы ЖМ  Өскемен қ. филиалы, «Абай облысының білім басқармасы» ММ «Облыстық инновациялық – әдістемелік орталығы» КММ ұйымдастыруымен «Жас ұстаз: табысқа апарар жол» клубы кездесуі өтті. Кездесуге Абай облысы жалпы білім беретін мектептерінің 1-3 жыл еңбек өтілі бар жас педагогтары қатысты. Шараны мектептің жас мамандары: қазақ тілі және әдебиеті пәні мұғалімі – А.Е.Жеңісқазин, ағылшын тілі мұғалімі – Ж.К.Ахметкалиева «Жарқын елдің шамшырағы – жас маман» TEDx форматындағы сөздерімен ашты. Мектеп директоры Қ.З.Шиянова мектеп тарихынан мәлімет бере отырып,  кездесу қатысушыларын құттықтады. Семинардың практикалық бөлімінде «LESSON STUDY – зерттеу сабақтарына қатысу, бақылау» жұмысын мектеп директорының оқу-тәрбие ісінің орынбасарлары – А.А.Курмашева, А.М.Смагулова, директордың оқу-әдістемелік ісі жөніндегі орынбасары – Г.К.Сейтхановалар жүргізді. Фойеде зерттеуші топтар жұмыстарынан көрме ұсынылды. Шараның ұйымдастыру, ақпараттық жұмыстарын директордың оқу-тәрбие ісінің орынбасары – Ж.Б.Жұмаханова, тәрбие ісі жөніндегі орынбасарлары – Д.Т.Нуркасымов, Б.К.Нургалиева атқарды.

       LESSON STUDY – зерттеу сабақтарын 6 топта зерттеуші ұстаздар ұсынды. Олар: Ж.С.Кутешова жаратылыстану пәнінен 4 «Г» сыныбында (4-айналым, 2-сабағы), М.Даму информатика пәнінен 6 «Б» сыныбында (3-айналым, 3-сабағы), Б.Абдрахманова қазақ тілі 5 «Б» сыныбында (4-айналым, 2-сабағы), А.Т.Нугуманова география  пәнінен 7 «Г» сыныбында (3-айналым, 3-сабағы), Б.Н.Курмашева ағылшын тілі пәнінен 10 «А» сыныбында (3-айналым, 2-сабағы), Г.М.Серикова орыс тілі пәнінен   10 «А» сыныбында (3-айналым, 3-сабағы). Сабақты зерттеуді талдау мектеп модераторлары, зерттеу топтарының мұғалімдері және қатысушы жас ұстаздармен бірге жасалды. Мектеп тренері – Ш.Т.Нугуспанова «LS – білімді жетілдіруге бағытталған педагогикалық тәсіл» коучинг-сабақ өткізді. Жұмыс мектеп жас ұстаздарының «Керемет бір күн – ол бүгін» лайфхак флешмобымен аяқталды. ПШО тренері – Д.А.Адильжанова өз тәжірибелерімен бөліскен ұстаздарды ПШО ЖМ  Өскемен қ. филиалы Алғыс хаттарымен марапаттады.