"Балақайлар мектебі" қысқа мерзімді даярлық сабақтары өтті.

14-25 тамыз аралығында «№3 жалпы орта білім беретін мектебі» КММ-де 2023-2024 оқу жылында 1 сыныпқа қабылданатын оқушыларға арналған "Балақайлар мектебі"  қысқа мерзімді даярлық сабақтары өтті.  Даярлық сабақтарда 1 сыныпқа келетін оқушылардың тілдік қорын дамытуға, сөйлеу қабілетін жақсартуға арналған түрлі  мотивациялық ойындар, мен жаттығулар жүргізілді. Қуыршақ театры персонаждары арқылы "Бауырсақ", "Түлкі мен ешкі", "Мақтақыз бен мысық" ертегілерін балалар өздері сомдап, ертегіні жандандырды. Қарапайым математикалық ұғымдарын қалыптастыруда, "Ойлан тап", "Көршісін тап" ойындарын ойнады. Нейро  жаттығулар, саусақ жаттығулары арқылы сергіту  сәттері ұйымдастырылды. Болашақ оқушыларымыздың мектепке кедергісіз бейімделуіне қолдау жасалды.