Мектепішілік олимпиада қорытындысы

2023-2024 ж. оқу жылының күзгі демалыс жоспары аясында  3 қараша күні 3-11 сынып оқушылары арасында мектепішілік ғылыми пәндерден олимпиада ұйымдастырылды. Мектепішілік олимпиаданы өткізудің негізгі мақсаты: 
- оқушылардың пәндік білімдерін тереңдету;
- оқу-танымдық қабілеттерін ынталандыру;
- ғылымға деген қызығушылықтарын арттыру;
- дарынды балаларды айқындау.
Мектепішілік олимпиадаға қазақ тілі және әдебиеті, орыс тілі, ағылшын тілі, математика, физика, информатика, Қазақстан тарихы, география, биология, жаратылыстану және химия пәндерінен барлығы 231 оқушы қатысты. Нәтижесінде 151 оқушы жүлделі орындарға ие болды.
Мектепішілік олимпиада қорытындысы бойынша қалалық олимпиадаға ғылыми пәндерден жүлделі 1 орын алған 34 оқушы жолдама алды.