05
апрель
2021
Мектепішілік ғылыми жобалар сайысы
2 - 11 сынып оқушылары арасында мектепішілік ғылыми жобалар сайысы өткізілді. Сайыстың мақсаты: оқушылардың өз қаласына, өлкесіне, оның тарихы, мәдениеті, дәстүрлері мен тұрмысына шексіз берілгендікті паш ететін шынайы отансүйгіштік сезімдерін тәрбиелеу; таңдалған тақырып бойынша зерттеу жүргізу, қорытынды жасау қабілеттерін дамыту; өз тұжырымдарын жүйелі жеткізуге төселдіру; зерттеу жұмыстарын жүйелі жүргізіп, қалалық, аймақтық кезеңдеріне жолдама беру болды. Сайыс 30–31.03 күндері онлайн түрінде, ZOOM платформасы арқылы 6 секция бойынша:1 секция – қазақ тілі және әдебиет,2 секция – орыс тілі және әдебиет,3 секция – ағылшын тілі, 4 секция – математика және информатика,5 секция – жаратылыстану, химия, биология, экология,6 секция –география, тарих, «Рухани жаңғыру» бағдарламасын жүзеге асырудағы өлкетану, өзін-өзі тану жүргізілді. Жаратылыстану бағытындағы пәндер бойынша 30.03 күні, гуманитарлық бағыттағы пәндер бойынша 31.03 күні өтті. Әр жұмысты қорғау үшін 5-7 минут уақыт берілді. СайысқаСемей қаласының Шәкәрім атындағы мемлекеттік университетінің "Ветеринария" кафедрасының доценты – Нуржуманова Жанат Мекешовна, Қазақ инновациялық гуманитарлық-заң университетінің педагогика жане психология кафедрасы Агаокытушы, педагогика гылымдарынын магистрі – Лекерова АйнурАлдабергеновна, М.Әуезов атындағы педагогикалық колледждің жаратылыстану пәндерінің оқытушысы, педагогика ғылымдарының магистрі – КалкеноваБейбитгулЖенисбековна және мектептің тәжірибелі ұстаздары қазылық етті. Сайыстан кейін оқушылар жұмыстары сараланып, жүлдегерлер анықталды. Жобалық сайысқа қатысқан жұмыстар бойынша бағыт-бағдар берілді, ұсыныстар айтылды. Жақсы баға алған жұмыстар келесі оқу жылында қалалық, аймақтық жобалар сайысына ұсынылатын болады.
