07.12.2023 ж. "Тарих, география, биология және химия " пәндері апталығы аясында "Сабақты зерттеу, іс-әрекеттегі зерттеу үдерістерінің жүзеге асырылуы" тақырыбында шебер-сынып өтті.

07.12.2023 ж. "Тарих,  география,  биология және химия " пәндері апталығы аясында "Сабақты зерттеу, іс-әрекеттегі зерттеу үдерістерінің жүзеге асырылуы" тақырыбында шебер-сынып өтті. Назарбаев зияткерлік мектебінің тренері, қазақ тілі мен әдебиеті пәнінің мұғалімі Какенов Асұлан Төлеуқанұлы мұғалімдерге өзінің іс- тәжірибесін таратты.
Мақсаты: тәжірибені зерттеуді жүргізу дағдыларын дамыту. 
Күтілетін нәтижелер: 
Сабақты зерттеу және іс-әрекеттегі зерттеу үдерістерін іске асырудың талаптары мен кезеңдерін анықтау.
Шебер-сынып барысында Асұлан Төлеуқанұлы "Lesson study" - кем дегенде үш циклді қамтитын, бірге жоспарланатын,  оқытылатын/ бақыланатын және мұғалімдер тобымен талданатын сабақты зерттеу тәсілі екендігін баса айтты. Іс-әрекеттегі зерттеудің (Action Research) мақсаттары, әрекеті мен нәтижелері, "Фокус-группа" ,  "Рефлексивті есеп", "саралау", "сұхбаттасу" жөнінде жан-жақты түсіндірді. Өзінің қазақ тілі мен әдебиеті сабағында білім сапасын көтеру мақсатында қолданып жүрген әдіс-тәсілдерімен бөлісті. Ең бастысы "әрекет ету" екендігіне ерекше тоқталды."Рефлексия" кезеңінде  мұғалімдер тренерге көкейлерінде жүрген сұрақтарын қойды. Шебер-сыныпқа қатысқан барлық мұғалімдер өздеріне тәжірибе жинады.
Ұйымдастырушылар: Әдістемелік бірлестік ұстаздары.
[media=https://youtube.com/shorts/nWn7EiuWTS8?si=0A9QBN49kUNPFP3W]