25.04.2024ж.күні “Жүрек жылуы” тақырыбында “Ашық есік” күні өтті

25.04.2024ж.күні “Жүрек жылуы” тақырыбында “Ашық есік” күні өтті. Мақсаты: Бала тәрбиесі дамуындағы басты рөл атқарушы - отбасы. Сондықтан ата - ананың бала көңілін таба білуіне ой қозғау, өзін-өзі тануына бағыт беру, тәрбие жайлы пікір бөлісу. Ата-аналарға балаға рухани тәрбие берудегі отбасының рөлі  жайлы түсіндіру. Ата-анамен мектеп арасында тығыз байланыс орнату.
Іс-шара қатысушылары арасында психологиялық ахуал қалыптастыру үшін “Менің көршім” жаттығуы жүргізілді. Танымдық ойын-сабақ алаңында мектеп ұстаздары сабақ барысында қолданылатын  “Үрле де есепте” ойыны бастауыш сынып мұғалімдері Ж.С.Кутешова, М.К.Ихсангалиева, “Отгадай-ка”, “Собери предложения” ойындарын орыс тілі пәні мұғалімдері А.Е. Шарифуллина, Г.М.Серикова, “Түрлі-түсті шарлар” ойынын А.З. Шиянова, С.С. Оразғалиева, “Көңілді әріптер” ойынын А.Е.Ибрай оқушылар мен ата-аналарды бірлесе қатыстыру арқылы ойын және сабақ элеметтерімен таныстырып өтті. Нейрожаттығу барысында мектеп дефектологы А.К.Жармухамбетова оқушылармен жеке және топтық жұмыс жасауда қолданатын нейрожаттығу элеметтерімен таныстырып, қатысушылар іс-шара барысында нейрожаттығуларды жасап көрді. Шығармашылық жұмыс барысында мектеп психологі А.Е.Шарипканова ата-аналармен “Ән айтайық” жаттығуын жүргізді. Жаттығу барысында ата-аналар балаларының күнделікті өмірде сүйіп тыңдайтын әндерімен бөлісті. Ата-аналарға әртүрлі ситуациялық сұрақтар қойылып, постерлер құрылды. Іс-шара соңында директордың оқу-тәрбие ісі жөніндегі орынбасары А.А. Курмашева ата-аналарға алғысын білдіріп алғыс хаттар берілді. Іс-шараға барлық қатысушылар белсенділікпен, қызығушылықпен қатысты. 
Іс-шараға ат салысқан барлық ұстаздарға алғыс білдіреміз!