21
январь
2025
2 «Б» сыныбында математика пәнінен «Элементтерінің саны бірдей жиындардың бірігуі. Көбейту» тақырыбында ашық сабақ өтті.
21.01 күні бастауыш сыныптар апталығы аясында 2 «Б» сыныбында математика пәнінен «Элементтерінің саны бірдей жиындардың бірігуі. Көбейту» тақырыбында ашық сабақ өтті. Мақсаты: көбейту амалымен танысады; тең жиындардың бірігуін және көбейтуді бірдей қосылғыштардың қосындысы түрінде жазуды меңгереді. Сабақ психологиялық ахуалды қалыптастырумен басталды. Өткен тақырыпты пысықтау мақсатында «Қосу, азайту» интерактивті ойыны ойнатылды. Жаңа тақырыпты өздігінен меңгерту мақсатында «Жиындардың бірігуі» практикалық жаттығуы жасалды. Оқушылар топтық тапсырмаларды орындай отырып, қорытынды тұжырымдама жасады, өз шешімдерін дәлелдеуге мүмкіндік алды. Жекелеме жұмыс жасады, формативті бағалау тапсырмаларын орындады. «Жиын боламыз» ойыны ойнатылды. Сабақ соңында өз мүмкіндіктерін толық көрсете алмаған оқушылар үшін «Бонус тапсырмасы» берілді. Пән мұғалімі: А.А.Курмашева.

