"Функционалдық сауаттылықты қалыптастыру - бүгінгі заман талабы" - тақырыбында семинар-практикум

Дуалды оқыту бойынша 30 қаңтар күні Әлихан Бөкейханов университетінің  "Отандық және дүние жүзі тарихы" мамандығының 3 курс студенттеріне "Функционалдық   сауаттылықты  қалыптастыру  - бүгінгі заман талабы" -  тақырыбында семинар-практикум өткізілді. 
Мақсаты: білімді кеңейту,тәжірбие алмасу, практикалық дағдыларды дамыту, теорияны практикамен ұштастыру, функционалдық сауаттылықтарын қалыптастыру. Семинар барысында функционалдық сауаттылық, Pisa, Pirls, Timss халқаралық зерттеу бойынша ақпарат берілді. Студенттердің сабаққа деген қызығушылығын арттыру мақсатында "Сиқырлы сандық" әдісі арқылы топтарға Pisa тапсырмалары ұсынылды. 3 топқа бөліну арқылы, тәжірбиелік жұмыстар жасай отырып, болашақтарына пайдалы мағлұмат алды.  Қатысушылар жоғары қызығушылықпен қатысып, белсенділіктерін көрсетті. Семинар соңында студенттер алған әсерлері туралы «Қазақ үй» әдісі арқылы кері байланыс жасады.
Жауапты ұстаздар: А.К.Камбарова, А.Ж.Сулейменова, К.Ш.Капсалямов