Отбасыңызбен «ECOCUP» ұйымдастыруды бастауды ұсынамыз.

Экологиялық тәрбие – табиғатқа деген жанашырлықты адам бойына сіңіру. Қазіргі кезде кейбір көшелерде қоқыстан аяқ алып жүру мүмкін емес. Әсіресе қалалық жерлерде кез келген жерге қоқыс тастап кету, санаулы қадамдар жүріп, қоқыс жәшігіне тастауға ерінетін адамдар көптеп кездеседі. Сондықтан балаларымызға ерте жастан бастап үйретуіміз қажет. Осыған орай, отбасымызбен аптаның бір күнінде «ECOCUP» ұйымдастыруды бастадық. ECOCUP - «жасыл» деректі фильмдерді онлайн көру.
Осы аптада біз «Экологические проблемы Земли» (2015ж.) деректі фильмін көрдік. Фильм директорлары: AdRev for Rights Holder.
Қоршаған ортаның ластануы бүгінде адамзатқа барлық салада қауіп төндіреді. Қайғылы оқиға, солай емес пе? Енді ойланайық: егер ластану дағдарысы бізге, яғни адамдарға әсер етпесе, болашағымыз не болады? Біздің әрқайсымыз таза және әдемі үйді қалаймыз, бірақ белгілі бір себептермен аздаған адамдар қамқорлық жасайды. Біздің солардың қатарына қосылуымыз қажет екендігін түсіндік.
Кинодан өзімізге үлкен әсер алдық, сіздерге де аптасына бір рет отбасыңызбен экологиялық фильдер көруді ұсынамыз.