«Экобілім мен мәдениетті қалыптастыру бізден басталады....»
Мектебіміздің кіре беріс дәлізінде «Қоқыстарды бөлігі жинауға» арналған арнайы қоқыс жәшіктері орналастырылған. Бұл үрдіс мектеп ұжымын, ата-аналар мен окушыларда қоқыс қалдықтарын сұрыптап салу мәдениетін қалыптастырады деген ойдамыз. Осы орайда, мектептен балаларын алып кетуге келген ата-аналарымен Аманкулова Айгуль Жақсылыққызы түсіндірме жұмысын жүргізуде. Жұмыстан тыс уақытта өзі тұратын «Теміржол вокзалы» маңайында қала тұрғындарымен қала тазалығы, тұрмыс қалдықтарын сұрыптап жинау жайында ой бөлісті. Көпшілік жүретін вокзал маңындағы дүкендерде адамдармен әңгімелесіп, пікірлесті. Қалдық заттарды сұрыптау жайлы қажетті ақпараттар жазылған жаднамалар таратылды. «Экологиялық білім мен мәдениетті қалыптастыру – ұстаздардан басталуы тиіс»- деп санайтын тәжірибелі ұстаз бұған дейін де бірнеше сауда орындары, монша, сауықтыру орындарында болып, ағарту жұмыстарын жүргізуге атсалысуда.
