Кәмпит қағаздарынан жасалған бұйымдар

Аздаған қиялымызды қоссақ тұрмыс қалдықтарынан түрлі бұйымдар жасап, кәдеге асыруға болады екен. Тұрмыс қалдықтарының әр түрінен пайдалы заттар жасап жүрген 5 «Г» сынып оқушысы – Ғабитқызы Мөлдір келесі топтамасын кәмпит қағаздарынан жасаған. 

        Кәмпиттердің сыртқы қағаздары ерекше көз тартады. Әрі түрлері де көп-ақ. Босап қалған кәмпит қағаздары – таптырмайтын екінші шикізат көзі. Алуан түрлі дизайнды құрастыру әр адамның шеберлігі мен шығармашылығына байланысты. 

Кәмпит қағаздарынан жапсырмалау, кітап арасына салатын тілше, сөмкелер мен әмияндар жасап алуға болады. Көп жағдайда, желімсіз-ақ бірін-біріне жалғастырып жасай беруге болады.