Қалауын тапса...

Жаз мезгілінде домқұстарын суғаруға арналған қарапайым,әрі ыңғайлы ыдыс жасауға болады.Ол үшін пластикалық бутылкаларды пайдаланамыз. Оларды әр түрлі көлемде таңдап, қақпақтарын тесіп төмен қаратып, қажетті жерге орнатамыз. Ішіне алдын ала толтырылған су астына қойылған қосалқы ыдысқа тамшылап тұрады. Бұндай әдісті тек домқұстарын суғаруда ғана емес, ауладағы гүлдерді, өсімдіктерді тамшылатып суғаруда да қолдануға болады. Қалауын тауып тұрмыс қалдықтарын қажетімізге жарата алсақ, табиғи шикізат көздерін үнемдеуге септігімізді тигізе алар едік.