1 сыныпқа даярлау және оқу процесін постковидтік кезеңге бейімдеу үшін
Ғалым да, шахтер да ... мектептен білім алады. Мектеп – білім айдынындағы үлкен кеме. Әр бала осы кемеде он бір жыл уақытын өткізеді. Мектеп табалдырығын тарыдай болып аттап, он бір жыл бойы білім алып, таудай болып шығады. Алтын ұямыз биылғы оқу жылында мектеп табалдырығын аттайтын бүлдіршіндерге есігін айқара ашты. 1 сыныпқа келетін балдырғандар үшін дайындық шаралары басталып кетті. Былтырғы оқу жылында мектепалды даярлық сыныптарда онлайн білім алған балаларды 1 сыныпқа даярлау және оқу процесін постковидтік кезеңге бейімдеу үшін білім алушылардың оқуындағы олқылықтардың орнын толтыру бағдарламасы іске асырылуда. Мектепте білім беру процесіне қатысушылардың қауіпсіздігін қамтамасыз ету және денсаулығын сақтау мақсатында санитариялық-эпидемиологиялық шаралар енгізілген. Оқыту іс-әрекеті санитарлық шектеулерді сақтай отырып, штаттық режимде жүргізіледі.
Аталған шара ерікті түрде, ата-аналардың қолдауымен жүзеге асырылуда.
