Дөңгелек үстел: Lesson Study зерттеу сабақтары

Lesson Study тәжірибелі мұғалімдермен қатар, еңбек жолын жаңа бастаған мамандарға да кәсіби жетілуге көмектеседі. Себебі бірлесіп жоспарлау, бірлесіп қадағалау, бірлесіп талдау арқылы біз оқыту туралы бірлескен пікір қалыптастырамыз. Бұл жағдайда біз Lesson Study барысында бақылаған нақты сабақты өзіміздің жоспарлаған сабағымызбен салыстырамыз. Бұл біздерге өзіміз әдетте мән бермейтін, елемейтін, әдетте «шеттетіп тастайтын» немесе болжамды білім ретінде сақталып қалатын нәрселерді аңғаруымызға түрткі болады.

Lesson Study тәсілін пайдаланатын көптеген адамдардың айтуынша, зерттелетін жекелеген оқушылардың оқудағы қажеттіліктері мен мінез-құлықтарына назар аударып, олар туралы көбірек біле отырып, біз өз оқушыларымыздың әрбіреуін анағұрлым жақсы тани бастаймыз. Демек, мықты және нашар оқушылардың аралығындағы «орташа» сыныпты оқытуға қарағанда, Lesson Study мұғалімге өз жұмысын болмашы ақпаратпен шамадан тыс жүктемей, барлығынан хабардар болып, өмір бойғы тәжірибесінде әрбір оқушының қажеттілігін ескеріп отыруға мүмкіндік береді. Аталған қағидаттарды өз тәжірибелеріне белсене енгізіп жүрген, ағылшын тілі ұстаздары: Ш.С.Амирова, Б.Н.Курмашева, Ж.Т.Турдахынова мектебіміздің ұстаздарына арнап, дөңгелек үстел өткізді. Ұстаздар теорияны практикамен ұштастыра отырып, Lesson Study технологиясын тереңдете меңгеруге мүмкіндік алды. Обратная связь кезінде өз тәжірибелерінде кездескен нәтижелер мен қиындықтар ортаға салынды.