«Өнімділік. Кім болам?» тақырыбында ашық сабақ

«Бастауыш сыныптар онкүндігі» аясында бастауыш сынып мұғалімі – А.А.Курмашева 4 «Г» сыныбында математика пәнінен «Өнімділік. Кім болам?» тақырыбында ашық сабақ өткізді. Сабақ әр елдің сәлемдесуімен басталды. Өткен сабақты пысықтау барысында «Тапқыр болсаң, тауып көр», «Ойлан, жұптас, талқыла» әдістері ұтымды пайдаланылды. «Қара жәшік» әдісі арқылы білім алушылар сабақтың тақырыбын ашуға көмектесті. «Броундық қозғалыс» әдісі арқылы қабырғаларға шашылған мәліметтермен танысты. Жаңа білімді өздігінен меңгерулеріне жағдай жасалды. Сабақ барысында   видеоматериал көрсетілді, Quizizz   платформасы қолданылды. Жұптық, топтық, ұжымдық тапсырмалар орындалды. Тапсырмалар дескрипторлары ұсынылып, Таймермен уақыты белгіленіп отырды. Сабақ «Блиц-турнир», «Ілгіштегі мәлімет» әдістері арқылы қорытыланды. Classroomscreen.com. қосымшасы, «Бағдаршам»  әдісі арқылы оқушылар өзін-өзі бағалады, кері байланыс берілді. Сынып оқушылары оқу үрдісіне белсенді қатысып, өз білімдерін көрсете білді.