«Lesson Study» - зерттеу сабақтары қорытындысы
4-6 сыныптарда сабақ беретін ұстаздар мұғалім тәжірибесі саласындағы білімді жетілдіруге бағытталған, сабақтағы іс-әрекеттегі зерттеудің ерекше үлгісі болып табылатын педагогикалық тәсіл – «Lesson Study» технологиясымен жұмыс жасады. 3-4 айналым бойынша сабақтар өткізілді. 4-сыныптар бойынша 3 топ ұстаздары – 12 сабақ, 5-сыныптардан 3 топ – 12 сабақ, 6-сыныптардан 4 топ – 16 сабақ, жиыны – 10 топ жұмыс жасап, 40 зерттеу сабақтарын жүргізді.
A,B,C тобындағы (жиыны- 45) балалар таңдап алынды. Сынып ерекшелігіне сай ортақ мақсат алынды. Сабақтар бірге жоспарланып, әр сабақтан соң талдау жасалып отырды. «Lesson Study» cабақтарында: үлгерімі төмен оқушылардың жеке тұлғалық мүмкіндіктерін ашуға қолдау жасау, пәнге деген қызығушылығын арттыру және әріптестермен бірігіп: сабақ жоспарын құру, зерттеу сабағын талқылау, сабақтың жоспарын талқылау, зерттеу сабақтарын өткізу, оқыту үдерісіндегі тәжірибені жақсартуды және жетілдіруді зерттеу жұмыстары жүрді және айтарлықтай нәтижесін көруге мүмкіндік болды.
Әр сабақ соңында назарға алынған А,В,С оқушылардан интервью алынып, сабақтың ұтымды тұстары, жетілдіруді қажет ететін тұстары «оқушы үнімен» айқындалып отырды. Анықталған мәселелер келесі айналым сабақтарында негізге алынып, жетілдіру бағытындағы жұмыстар жоспарға енгізіліп отырды. Ұстаздар арасында тығыз байланыс пен ынтымақтастықта жұмыс жасау жемісін берді. Дегенмен де, орын алған кемшіліктер де болды: Әр сыныптан алынған A,B,C тобындағы балалар белсенділіктерінің бәсеңдеу болуы, ұстаздардың технология түрлерін сынып деңгейіне сай таңдап алмауы, сабақ жоспарлауда топ мүшелерінің толық болмау жағдайлары да кездесті.
12 мамыр күні ШҚО ПШО филиалы ұйымдастырумен мектебімізде Абай облысы, жалпы білім беретін мектептерінің жас педагогтарына арналған «Жас ұстаз – табысқа апарар жол» облыстық семинары өтті. Осы шарада 7 зерттеу тобы «Lesson Study» технологиясымен зерттеу сабақтарын өткізіп, 21 ұстаз зерттеу тәжірибелерімен практика жүзінде бөлісті.
«Баршаға әрі жекеге арналған мектеп» жобасы бойынша жүргізілген жұмыстар ӘБ отырыстарында қаралды, қорытынды жасалып, ұсыныстар берілді. Ұстаздар өз жұмыстарына баға бере отырып, жаз мезгілінде өзіндік білім көтерумен айналысудың қажет екенін бірауыздан құптады. Алдағы оқу жылында ұстаздар құзыреттілігінің артуына жол ашатын оқу-іздену, әдістемелік тұрғыда білімдерін толықтыруға ден қою – кезек күттірмейтін мәселе. Ұстаз ізденімпаз болған жағдайда ғана – оқушы да ізденімпаз, білімді болмақ. Аталған жобаның жүйелі жүзеге асуы-білім сапасының артуына жол ашады. Алдағы оқу жылында да осы инновациялық үрдісті жетілдіре отырып, білім сапасының артуына ықпал етеміз деген жоспарымыз бар.
Ұсыныс: ұстаздардың жаз мезгілінде өзіндік білім көтерумен айналысуы; іс-әрекеттегі зерттеу курстарынан өтуге ден қоюы; тәжірибе жинақтаған ұстаздар облыстық, республикалық, халықаралық конференцияға қатысу үшін, жұмыстарын жинақтау.
