«Баршаға әрі жекеге арналған мектеп» жобасының жүзеге асуы бойынша қорытынды
2023-2024 оқу жылында мектебімізде 38 сынып комплект, білім алушылар саны -922, мектепалды даярлықта – 52 тәрбиеленуші білім алды.Педагогикалық ұжымның 2020 – 2025 жылдарға арналған проблемалық тақырыбы:«Оқыту мен тәрбиелеуде тәжірибеге бағытталған іс-әрекетті енгізу арқылы функционалдық сауаттылық пен метапәндік дағдыларды дамыту». Мектеп бойынша соңғы үш жылдың білім сапасы нәтижелерінің салыстырмалы талдамасы оң динамиканы көрсетеді. Білім сапасы 2022-2023 оқу жылымен салыстырсақ, 2022-2023 оқу жылында оқушы саны – 834, білім сапасы – 64%; 2023-2024 оқу жылында оқушы саны – 922, білім сапасы – 67%. (МДЖ 2025 жылға дейін 70% жету межеленген).Оқу озаттары -149 оқушы, бұл жалпы оқушы санының 18% құрайды. Төрт пен беске оқитын оқушылар- 392, мектеп оқушыларының 49% құрайды.Жеке пәндер бойынша білім сапасын қарастырсақ: қазақ тілі, орыс тілі, тарих, математика, физика, биология, химия пәндерінен білім сапасында 58-84 %-ға өсу динамикасы байқалады. ЖМБ және ҚГБ пәндер бойынша 4, 9, 11 сыныптарда үш оқу жылы қатарынан білім сапасындағы оң динамиканы көруге болады.Дегенмен, МІБ жоспары бойынша жүргізілген ішкі аудит сараптамасы нәтижесінде келесі жағдайлар анықталды: белгілі себептермен сабақ босатқан оқушылардың төмен нәтиже көрсетуі;мұғалім қолдауын күтіп, тапсырманы өздігінен орындамайтын оқушылардың болуы; оқу мотивациясы төмен-62 оқушының болуы, бұл барлық оқушылардың 7,6% құрайды. Аталған жағдайлар оқу үрдісінде кезек күттірмейтін мәселелердің барынан хабардар етеді.
Білім сапасын көтеру мақсатында 2022 жылдан бастау алған «Баршаға әрі жекеге арналған мектеп» жобасы осы оқу жылында да жоспарлы түрде жүргізілді.Мақсаты: білім беруде орын алған олқылықтарды жою, білім сапасының артуына ықпал ету.
Жоба аясында 1-сыныптар ұстаздарынан құрылған топтар «Кураторлық әдістеме» («Ақылды үшінші») бойынша, 2-10 сыныптардан құрылған 11 топLessonStudy зерттеу сабақтары, 7-9 сыныптарда «Төңкерілген сынып», 10-11 сыныптарда және пәндік әдістемелік бірлестіктер қолдауымен «Тігінен», «көлденеңінен» жоспарлау технологиялары бойынша жұмыс жасайтын ұстаздар топтары құрылды. Демонстрациялық сабақтар тізбектері жасалып, педагогтардың проблемаларды бірлесе шешуіне, сабақтарды бірлесе жоспарлауына жол ашты. Бұл өз кезегінде түрлі пән ұстаздарының, кей жағдайда бірлестік мүшелерінің тәжірибе алмасуына, өзіндік білімдерін көтерулеріне мүмкіндік жасады. Сонымен қоса, дифференциялды білім беру, назарға алынған оқушылар үшін «Жеке даму маршруттарын» жасап, нақты нәтижеге бағытталған жұмыстарды жүргізу қолға алынды. Білім алушылардың қызығушылықтарын арттыруға, өздігінен білім алуларына, ізденулеріне, сабаққа қатысу белсенділіктерінің артуына септігін тигізгенін айта кету керек.
«Кураторлық әдістеме» («Ақылды үшінші») бойынша1-сыныптарда 10 сабақөткізілді. Негізгі мақсат – ұстаздарға әдістемелік қолдау көрсету, тәжірибелерін толықтыру, командада жұмыс жасап, кездескен проблемалар шешімінбірлесе табу болды. "Сыныпты көру", оқу мақсатына қол жеткізу үшін барлық баланы қамту, білімді оңтайлы меңгеруге қолжетімділік, білім сапасын арттыруға мүмкіндік жасау осы технологиямен жұмыс жасаған ұстаздардың алға қойған негізгі міндеттері болды. Олар аталған мақсат, міндеттерді орындауда біршама жетістіктерге қол жеткізді: сынып деңгейіне сай әдіс-тәсілдерді дұрыс таңдап алу, әр кезең тапсырмаларын нақты критерийлер негізінде жоспарлау, уақытпен өлшеу, жіберілген кемшіліктерді ескере отырып, ортақ шешімін табу. Бұл өз кезегінде білім алушылар қызығушылығын арттыруға, оқу үрдісінің белсенді өтуіне жол ашты.2-10 сыныптарда сабақ беретін ұстаздар мұғалім тәжірибесі саласындағы білімді жетілдіруге бағытталған, сабақтағы іс-әрекеттегі зерттеудің ерекше үлгісі болып табылатын педагогикалық тәсіл – «LessonStudy» технологиясымен 4 айналым бойынша жұмыс жасады. 2-4-сыныптар бойынша 3 топ ұстаздары – 36 сабақ, 5-сыныптардан 1 топ – 12сабақ, 6-сыныптардан 2 топ – 32сабақ, 7-сыныптардан 1 топ – 16сабақ,8-сыныптардан 2 топ – 32 сабақ, 9-сыныптардан 1 топ – 16сабақ, 10-сыныптардан 1 топ – 16сабақ,жиыны – 11 топ жұмыс жасап, 160зерттеу сабақтарын жүргізді. A,B,C тобындағы балалар (жиыны- 42)таңдап алынды. Сынып ерекшелігіне сай ортақ мақсат алынды. Сабақтар бірге жоспарланып, әр сабақтан соң талдау жасалып отырды.«Lesson Study» cабақтарында: үлгерімі төмен оқушылардың жеке тұлғалық мүмкіндіктерін ашуға қолдау жасау, пәнге деген қызығушылығын арттыру және әріптестермен бірігіп: сабақ жоспарын құру, зерттеу сабағын талқылау, сабақтың жоспарын талқылау, зерттеу сабақтарын өткізу,оқыту үдерісіндегі тәжірибені жақсартуды және жетілдіруді зерттеу жұмыстары жүрді және айтарлықтай нәтижесін көруге мүмкіндік болды. Әр сабақ соңында назарға алынған А,В,С оқушылардан интервью алынып, сабақтың ұтымды тұстары, жетілдіруді қажет ететін тұстары «оқушы үнімен» айқындалып отырды. Анықталған мәселелер келесі айналым сабақтарында негізге алынып, жетілдіру бағытындағы жұмыстар жоспарға енгізіліп отырды. Ұстаздар арасында тығыз байланыс пен ынтымақтастықта жұмыс жасау жемісін берді.
03.06 күні «Баршаға әрі жекеге арналған мектеп» жобасы бойынша отырыс өткізілді. Жүргізілген жұмыстар қаралды, қорытынды жасалып, ұсыныстар берілді.Ұстаздар өз жұмыстарына баға бере отырып, қол жеткізген жетістіктерімен бөлісті, орын алған кемшіліктеріне тоқталды. Жоба аясында өткізілген сабақтар білім алушылардың оқу мотивациясын, пәнге деген қызығушылықтарын арттырды, өздігінен білім алуға, өзіндік ізденуге мүмкіндік берді. Ұстаздар құзыреттілігінің артуына жол ашты, олар командада жұмыс жасай отырып, кәсіби өсуге, оқу-іздену, әдістемелік тұрғыда білімдерін толықтыруға ден қойды. Ұстаз ізденімпаз болған жағдайда ғана – оқушы да ізденімпаз, білімді болмақ. Аталған жобаның жүйелі жүзеге асуы-білім сапасының артуына жол ашады.Жоба қатысушылары алдағы оқу жылында да осы инновациялық үдерісті жетілдіре отырып, білім сапасының артуына ықпал етеміз деген сеніммен тарқасты.
