“Lesson Study - сабақты зерттеуді ұйымдастырудың тиімді жолдары” атты семинар

14 ақпан күні «№3 жалпы орта білім беретін мектебі» КММ-де «Өрлеу» біліктілікті арттыру ұлттық орталығы» Акционерлік қоғамының Восточно-Казахстанская область бойынша кәсіптік даму институты» мен «Облыстық инновациялық – әдістемелік орталығының» ұйымдастыруымен мақсатты мектеп педагогтеріне арналған “Lesson  Study - сабақты зерттеуді ұйымдастырудың тиімді жолдары” атты семинар өтті. Семинарға Абай облысы бойынша мақсатты мектептердің әдіскерлері мен педагогтары қатысты. Шараны мектептің «Менің ұстаздық жолым» TEDx форматындағы сөздерімен ашқан ұстаздар: ағылшын тілі пәні мұғалімі – А.Е.Серікхан, география пәні мұғалімі – А.Б.Болатхан. Мектеп директорының оқу-тәрбие ісі жөніндегі орынбасары А.А. Курмашева мектеп тарихынан мәлімет бере отырып, кездесу қатысушыларын құттықтады. Семинардың практикалық бөлімінде «LESSON STUDY – зерттеу сабақтарына қатысу, бақылау» жұмысын мектеп директорының оқу-тәрбие ісінің орынбасарлары – А.А.Курмашева, Ж.Б.Жумаханова, А.М.Смагулова директордың оқу-әдістемелік ісі жөніндегі орынбасары – Г.К.Сейтхановалар жүргізді. 
LESSON STUDY – зерттеу сабақтарын 10 топта зерттеуші ұстаздар ұсынды. Олар: Ж.С.Кутешова қазақ тілі, С.С.Оразғалиева математика пәндерінен  3 «В» сыныбында (3-айналым, 3-сабағы), Б.К.Абдрахманова қазақ әдебиеті, Д.М.Ахметова Қазақстан тарихы пәндерінен 8 «В» сыныбында (3-айналым, 3-сабағы), А.Нұрланқызы қазақ тілі, Ә.Әсімғазы жаратылыстану  пәндерінен 6 «А» сыныбында (3-айналым, 3-сабағы), А.Т.Тубекбаева Қазақстан тарихы, М.Б.Сулейменова алгебра пәндерінен 9«Г» сыныбында (3-айналым, 3-сабағы), С.Ж.Қасымханова биология пәнінен 10 «Б» сыныбында (3-айналым, 3-сабағы), Г.М.Серикова орыс тілі пәнінен  7 «В» сыныбында (3-айналым, 3-сабағы). Сабақты зерттеуді талдау мектеп модераторлары, зерттеу топтарының мұғалімдері және қатысушы ұстаздармен бірге жасалды. Мектеп тренері – Ш.Т.Нугуспанова, бастауыш сынып мұғалімі Г.Т.Құдайберген  «LS – білімді жетілдіруге бағытталған педагогикалық тәсіл» коучинг өткізді. Семинар«Өрлеу» біліктілікті арттыру ұлттық орталығы» Акционерлік қоғамының Восточно-Казахстанская область бойынша кәсіптік даму институты» басшысы Н.А.Жанузаковнаның қорытындысы мен қатысқан ұстаздардың кері байланысымен аяқталды. 
Семинарда Lesson study – зерттеу сабақтарының мектеп тәжірибесінде өту барысымен таныстыру мақсатында «Сабақ алды талдау» жүргізілді. Директордың оқу-тәрбие ісі және оқу-әдістемелік ісі жөніндегі орынбасарлары – А.А.Курмашева, А.М.Смагулова, Г.К.Сейтханова, Ж.Б.Жумаханова  модераторлық қызмет атқарды. Ұстаздар 5 топқа бөлініп, өткізілетін сабақтар ҚМЖ-сын талдауға қатысты. Жоспарды талқылау критерийлері ұсынылды: сабақ мақсатының оқу мақсатына сай болуы; оқу мақсатынан сабақ мақсатына жетуге арналған тапсырмалар; қалыптастырушы бағалаудың ұйымдастырылуы; барлық оқушыларды оқуға тарту әдістері, фокус топтарының сабақ әзірлеу әдістері берілді. Ұстаздар өз топтарында талқылап, ойларымен бөлісті. Сабақ алдында зерттеуші ұстаздардың міндетті түрде ескеруі тиіс – «Бақылау ережелері» таныстырылды, қатысушыларға өздері зерттегелі тұрған сабақтары (LS) туралы толық мағлұмат алуға мүмкіндік жасалды. Сабақтан соң, «Өрлеу» біліктілікті арттыру ұлттық орталығының әдіскерлерінің қатысуымен мектептің модераторлары, зерттеу тобы мүшелері, қатысушы ұстаздар «Сабақты бірлесіп талқылау» өткізді. Талқылау соңында барлық қатысушылар өз пікірлерін «Оқудағы жетістіктер», «Оқу үрдісіндегі кедергілер» бағандарына топтастырды. Мектеп ұстаздары семинарға қатысқан педагогтерге зерттеу сабақтарының қыр-сырын тереңінен түсінуге практикалық жағынан қолайлы жағдай жасады.