ЖАС МҰҒАЛІМ – ЖАҢА ТОЛҚЫН» тренингі

10.04.2025. күні өткізілген «ЖАС МҰҒАЛІМ – ЖАҢА ТОЛҚЫН» тренингі жас ұстаздардың кәсіби дамуына, эмоционалды күйінің жақсаруына және өзара қолдау атмосферасын қалыптастыруға бағытталды. Тренингтің басты мақсаты – мұғалімдердің ішкі мотивациясын арттыру, кәсіби күйзелістің алдын алу және қолдаушы орта құру болды.
- *Күйзеліс деңгейін анықтау анкетасы* арқылы қатысушылар өз психоэмоционалды жағдайларын бағалап, қажетті қолдау деңгейін анықтады.
- *Топтық жұмыс* барысында өзекті сұрақтар қозғалды: «Ұстаз адам ба, суперқаһарман ба?», «Тәртіп бұзатын оқушылармен қалай жұмыс жасаймыз?», «Қазіргі білім беру жүйесінде қандай өзгеріс енгізер едіңіз?» деген сұрақтар аясында пікір алмасу орын алды.
- *Пайдалы кеңестер* арқылы жас мұғалімдерге кәсіби жолында бағыт-бағдар берілді. Атап айтқанда, оқушылармен қарым-қатынас, сабаққа дайындық, тыңдай білу, тәжірибе алмасу, технологияны қолдану, сабырлылық, кері байланыс және өзін-өзі бағалау мәселелері қамтылды.

Қорытынды:
Тренинг ұстаздардың өз-өзін тануына, кәсіби күйзелісті жеңу жолдарын меңгеруіне және мұғалімдік қызметке жаңаша көзқараспен қарауына ықпал етті. Қатысушылар тренингті жоғары бағалап, болашақта осындай іс-шаралардың жиі ұйымдастырылуын қолдайтындарын білдірді.

Ағылшын тілі оқытушысы: Серікқан А.Е.