Соңғы жылдардағы мектеп өміріне деген қысқаша көзқарасыңыз?

Ұрпақ тәрбиесіне жауапты тұлғаның бірі ретінде барлық мұғалім өз сабағында жас ұрпақтың бойында ұлттық құндылықтардың қалыптасуына бар күш-жігерін салып еңбек ете білуі керек. Жаңа заманның жақсысын үйреніп, жаманынан жиренетін ұрпақты өз мәдениетімізге құрметпен қарап, салт-дәстүрімізді жалғастыра алатындай етіп дайындауда ұстаздарға артылар жүк жеңіл емес.

Мектебіміздің соңғы 5-6 жылында, бірнеше оқу кабинеттері жаңартылып, тиісті жабдықтармен қамтылды. Зияткерлік ойындар клубтары, фото-видео студиясы және Мәңгілік ел, кітапхана, психологиялық релаксация, робототехника кабинеттерімен бірге акт залы, бірнеше дәліздер эстетикалық талаптарға сай жабдықталды. Преподаватели мен оқушылардың шығармашылық жұмыстары жоғарылай түсті.                                                                                                                                  Біз жеріміздің шын жанашыр иесі екенімізді нақты іспен көрсетуге бағытталған жұмыстар атқарып жатырмыз. Ол көшеге қоқыс тастамау, көрінген жерге от жақпау сияқты қарапайым нәрселерден бастап, жалпыхалықтық сипаттағы ауқымды экологиялық шараларға қатысып, қол жеткізген жетістіктеріміз арқылы көрініс тапты деп санаймын. Мұның бәрі тәлім-тәрбиеден басталады. Ата-анасымен бірге ауласына ағаш екпеген, кішкентайынан табиғатты аялауға дағдыланбаған бала өскенде туған жеріне жаны ашымайды. Мектеп ауласы да тәрбиелік талаптарға сай көркемделіп, жаз мезгілінде көгалдандыру жұмыстары қолға алынып келеді. Оқушылардың ғылыми –практикалық жұмыстары ұйымдастырылады. Облыс және қала деңгейіндегі байқаулар жеңімпазы атанып келеміз. Мектептің кіре берісінен өзгерістер орын алды, ол оқушыларды өз мектебіне - алтын ұясы ретінде көз қарасын қалыптастыруға жұмыс жасайды деген сенімдемін.