ҚҰНДЫЛЫҚТАРҒА НЕГІЗДЕЛГЕН ТӘРБИЕ
«ҚҰНДЫЛЫҚТАРҒА НЕГІЗДЕЛГЕН ТӘРБИЕ» жобасы
жалпы адамзаттық және ұлттық құндылықтарды бойына сіңірген, заманауи білімдерді меңгерген, бәсекеге қабілетті, салауатты ұрпақ тәрбиелеу жүйесі болып табылады.
Құндылық дегеніміз біздің ойымыз бен мінез-құлқымызды басшылыққа алатын принцип.
Бұл жоба мектептің тәрбие жүйесін жүйелендіруге бағытталған.
ҚҰНДЫЛЫҚТАР жүйесі мектебіміздегі тәрбие үрдісін толыққанды қамтиды және тәрбие жүйесін жүйелендіруге көмектеседі.
ЖОБАНЫҢ БАСЫМ БАҒЫТТАРЫ: тәрбиенің негізгі 8 бағытын қамтиды. Олар - Қазақстандық Патриотизм, Ұлттық сана-сезімнің көкжиегін кеңейту, Білімнің салтанат құруы, Бәсекеге қабілеттілік, Еңбекқорлық, Функционалдық сауаттылық, Өнерге құштарлық, Отбасын дәріптеу.
Бұл жобадан күтілетін нәтиже:
• қазақстандық патриотизм • азаматтық сана-сезім
• толеранттылық • жалпы және құқықтық мәдениет
• салауатты өмір салты • шығармашылық қабілеттерін жүзеге асыру • өзін-өзі кәсіби анықтауды қалыптастыру • бос уақытын тиімді қамтамасыз ету
БОЙЫНША ДАМУ САТЫЛАРЫНЫҢ КӨРІНІСІ КҮТІЛЕДІ.
ЖОБАНЫҢ НЕГІЗГІ МӘНІ – бастауыш, орта және жоғары сынып оқушылары бойында белгілі бір тәртіппен бірізділік негізінде жүйелі құндылықтарды қалыптастыру.
ЖОБАНЫ ЖҮЗЕГЕ АСЫРУ МЕХАНИЗМІ
Ұзақ мерзімді жоспар, Қысқа мерзімді жоспар, Күнделікті спортпен шұғылдану, Апталық кітап оқу, Апталық челлендж, Апталық жоба,Апталық отбасылық тәрбие сағаты, Апталық отбасымен бірге көруге арналған фильм, Апталық отбасы мүшелерімен бірігіп ойнайтын ойындар, Апталық қолөнер жұмысы сияқты оқушылар, ата-аналар және ұжыммен бірігіп жұмыс жасауға арналған тапсырмаларды орындау арқылы жүзеге асырылады.
Жобаның ерекшелігі әр апта берілетін тапсырмаларды орындауын бақылауға арналған белгілеу парағы беріледі.
Мысалы оқушы спортпен шұғылдану, кітап оқу, домшаруасына көмектесу, бір жақсы іс жасау сияқты істерді аптаның қай күндері орындағанын белгілеп отырады.
Ал ата-ана кітап оқу, ата-анамен тәрбие сағатын өткізу. Отбасымен ойын ойнау сиякты тапсырмаларды аптаның қай күндері орындағанын белгілейді.
(бұл бағалау парақтарын үйлеріндегі холодильникке жапсырып қоюға болатыны ұсынылады)
Бір айға жоспарланған құндылық тақырыбы бойынша мектеп педагогтары мен қызметкерлеріне ортақ бір мақсат қойылып, әр аптаға бөлінге айлық жоспар құрылады.
Құндылық тақырыбы бірдей болғанымен бастауыш, негізгі орта және жалпы орта деңгейдегі білім алушылар үшін әртүрлі мақсаттар бекітіледі.Ұстаздар осы мақсат аясында оқушы бойына бір дағды, бір әдет қалыптастыруды көздейді.
Алдарыңызда 1-3 сынып оқушыларына арналаған айлық жоспар үлгісі.
Әр апта басында 1-3, 4-6, 7-8 және 9-11 сыныптарға арналаған апталық тапсырмалар жоспары беріліп отырады. Апта сайын шаралар қайталанады, тек тапсырмалары өзгертіліп беріліп отырады.
Бастауыш, негізгі орта және жалпы орта білім беру деңгейіне арналған тапсырмаларда аталған құндылықтар спиральді түрде бірін-бірі толықтырып отырады.
Әр буынның оқушысына берілетін тәрбиенің мазмұны мен ойындар үлгісі өзгеше әзірленеді.
-Бастауыш оқушылары үшін құндылықтар негізін қалау – жеңіл тілмен түсіндіре отырып, эксперименттермен көз жеткізу арқылы жүзеге асады.
-Өтпелі кезеңде жүрген орта буын оқушылары үшін жақсы мінез қалыптастыруға және өз қабілеттерін анықтауға бағыттайтын жұмыстар беріледі.
-Ал жоғары сынып оқушылары үшін болашақ кәсіп иесі, елінің саналы азаматы және қоғамның беделді мүшесі болу деген көзқарасқа басымдық беріледі. Олардың саналы түрде жетілуіне бағдар беріліп, тұлғалық дамуының қажеттілігін сезінуді насихаттайды.