Қалдық заттардан жасалған "Қазақ батыры" киімі.

«Балам даярлық сыныпта оқиды. Мектепте батырлар сайысы өтетін болды. Бір- екі күнде киім дайындау қажеттілігі туды. Ойланып- толғанып өзім тігуге бел будым. Бас киімінен бастадым. Бес литрлік судың бөтелкесін алып, оны шамалап қидым. Сыртын қыстық куртканың былғарысымен қаптадым. Етіктердің темірлерін әсемдеу үшін пайдаландым. Жылқының жалын тақтым. Үстіндегі камзолды да киім қиындыларынан қосып тіктім. Ұлымның жігіт екенін көрсету үшін қолына да қысқа жең жасап қойдым. Мектеп сайысына ерекше батыр жігіт болып барды. Қалдықтарды дұрыс  қолданып, оларға екінші өмір де сыйладық, жеңіске де қол жеткіздік – дейд ата-ана– Божканова Роза. Ол топ ата-аналарын қажетті заттарды қолдан жасап, табиғатқа қамқор болуға және қалдықтарды кәдеге жаратып, үнемшіл болуға шақырады.