«Қалдықтан –қажетімізге»

Ардақ Османұлы – 1 «В» сынып оқушысы. Мектепте білім алып жатқанына төрт айдай ғана уақыт болды. Ол аз уақыт ішінде өзіне-өзі қызмет етуді үйренді. Үлкендердің көмегінсіз қажет заттарын жасап алуды меңгерді. Ұстазы – Айгуль Жақсылыққызы қоршаған ортаны сақтауға үлес қосуға, тұрмыс қалдықтарын іске жаратуға шақырды. Кішкентай Ардақ   сусыннан босаған пластик бөтелкеден бояу және қайшының көмегімен заттарын салатын әдемі ыдыс жасап алды. Еш шығын шығармай-ақ, қалдықты іске жарату қызықты іс! Жасаған ыдысының өзіне ұнағаны соншалық, ол достарын да осындай іспен айналысуға шақырады!