Шарлардын экологияға зиянын білесің бе?

Экологтар тұтынушыларды әуе шарларын сатып алудан бас тартуға шақырады. Экологтардың айтуынша, олардың өндірісі мен сатылымға шығарылуын тоқтату қажет, себебі әуе шарлары құрлық және теңіз жануарларының өліміне әкеп соғуда. Көп жағдайда шарлар әуеге ұшырылады, жарылған шарлар бөлшектеніп теңізге түседі. Теңіз жануарларын айтпағанда, әуе шарлары жерге, теректерге және көшеттерге де құласа зияны басым. Құстар теректерде немесе электр желісінде салбырап тұрған бауға шырматылады. Сондай-ақ, құстардың шармен абайсызда қоректену кезінде улануы мүмкін. Мамандардың пайымдауынша, бұл шарлардан ауа-райы да ластануда. Жасыратыны жоқ, әуе шарларды тұрғындар көбіне мерекелік шараға қажет деп сатып алады. Көбіне шарларды аспанға ұшыру дәстүрі түрлі спорттық жарыстарда, жаппай жүгіру барысында, үйлену тойы кезінде пайдаланатындар бар. Бірақ мұндай әрекеттің соңы түптеп келгенде жануарлар әлеміне зиянын  тигізуде. Бүгінде әлемнің көптеген дамыған елдерінде әуе шарларының табиғатқа тигізер кері әсері ескеріліп, олардың еркін сатылуына жол бермеу мақсатында нақты шаралар қолға алынған.   Біздің еліміз бойыншада, әуе шарларының зияны туралы үгіт насихат шараларын ұйымдастыру қажет.