Дамытушылық бағыттағы жұмыстар

Жазғы мектеп жоспарына сәйкес оқушыларға дамытушылық бағыттағы жұмыстар жүргізілді. Мектеп акт залында үлкен экраннан балаларға арналған  "Менің атым – Қожа" фильмі көрсетілді. Қазақ балалар киносындағы классикалық туынды «Менің атым – Қожа» – бірнеше ұрпақтың сүйікті картинасы ретінде әрбір жанның жүрегінен өз орнын алған. Фильм басталмас бұрын балаларға фильм соңында сұрақ-жауап әдісі арқылы талдау жұмыстары жүргізілетіні ескертілді. Фильмнің басты кейіпкері – Қожаның әрбір іс-әрекетіне тоқталып, жағымды және жағымсыз жақтары айтылды. Оқушылар фильмді ерекше ықыласпен тамашалады. Соңында олар фильмнің тиімді жақтарын талдай отырып, "Жаманнан жиреніп, жақсыдан үйренетіндерін" айтты.