Автоматты толық емес бөлшектеу” тақырыбында ашық сабақ өтті.

“Жарқын елдің шамшырағы- жас маман” онкүндігі аясында жоспарға сай 6 "А" сыныбына алғашқы әскери дайындық пәнінен “Автоматты толық емес  бөлшектеу” тақырыбында ашық сабақ өтті. Тәрбиелік  мақсаты: Жас ұрпақты елін, жерін сүюге, саналы түрде Отанын қорғауға, ҚР Қарулы күштеріне құрметпен қарауға баулу.   Сабақ барысында оқушылар 3 топқа бөлініп  "Калашников автомат" тарихымен  таныстырылды. Бейнеролик көрсетіліп, оқушылар топ арасында автоматтардың бөлшектері мен оны құрастырған Михаил Калашников туралы сұрақтарға жауап берді, сонымен қатар топтар арасында АК автоматын уақытқа жинау  сайысы ұйымдастырылып, оқушылардың белсенділігі мен қызығушылығы байқалды.   Сабақ соңында еліміздің хас батыры Бауыржан Момышұлының "Намысты НАНға сатпа" деген  нақыл сөзімен аяқтап, сынып оқушыларын бірлікте,  ұйымшылдықта болуға  шақырды.   Жас сарбаз офицері: Кабдиев Естай