«Баршаға әрі жекеге арналған мектеп» жобасы аясында Lesson Study технологиясымен 4 «Б» сыныбында музыка пәнінен зерттеу сабағы өтті.

«Баршаға  әрі жекеге арналған мектеп» жобасы аясында Lesson Study технологиясымен 4 «Б» сыныбында музыка пәнінен зерттеу сабағы өтті. Тақырыбы: «Домбыра -асыл мұра». Мақсаты: аспаптың шығу тарихын, дыбыс және ойнау ерекшеліктерін ажырату; ұлттық аспаптарды қастерлеуге тәрбиелеу; шулы аспаптарда ансамбльде ойнай білу. «Аспап таңда» әдісімен балалар топқа бөлінді.  «Миға шабуыл» әдісімен балалардың жаңа сабаққа деген қызығушылықтарын оятты. Домбыра аспабының құрылымымен танысты. «Ақсақ құлан» күйінің бейнебаяны көрсетілді. Мұғалім домбыра аспабында шертпе және төкпе әдісімен шығармадан үзінді ойнады.Топтық жұмыста балалар төрт топқа бөліп, А.Еңсеповтың «Концерт» шығармасына шулы аспаптармен қосылып, ансамбльде ойнады.  Оқушылар «До мажор гаммасымен» дауыстарын жаттықтырды. Б. Бейсенованың «Қасиетті домбыра» әнін әуенге қосыла хормен орындады. Балалар «Қандай аспап?» ойынын ойнады. «Домбыра» әдісімен кері байланыс жасалды. Сабақ соңында «Тәтті сый» таратылды. Сынып оқушылары сабаққа белсене қатысты. Пән мұғалімі: М.Б.Залетаева.