"Бастауыш - білім бастауы атты" бастауыш әдістемелік бірлестігі апталығының жабылу салтанаты өтті.

28 қаңтар күні "Бастауыш - білім бастауы атты" бастауыш әдістемелік бірлестігі апталығының жабылу салтанаты өтті. Мақсаты: апталықты қорытындылау, апталық барысында өткен ашық сабақтар мен түрлі іс-шараларда белсенділігімен көзге түскен оқушыларымызды марапаттау. Салтанатты жиын ҚР Әнұранымен басталды. Оқушылар мектеп, білім, ұстаз туралы жұмбақтардың шешімін, мақал-мәтелдердің жалғасын тауып, түрлі тәттілерге ие болды. Мектеп директорының оқу ісі жөніндегі орынбасары А.А.Курмашева апталық барысында жоғары деңгейде белсенділік танытқан мектеп оқушыларына, ата-аналарымызға арнайы алғыс хаттар табыс етті. Апталықтың жабылуы 2 "В" сынып оқушысы Тыныбаева Севараның "Мектебім" әні, 4 "А" сынып оқушысы Тұрсынхан Алуаның "Гүлдерайым" атты тамаша әнімен жалғасып,    бастауыш сынып оқушыларына көтеріңкі көңіл-күй сыйланды.