«Пластиктен керемет заттар»

 Үйіңізде пластикалық бөтелке жатса, оны лақтыруға асықпаңыз. Өйткені, сол пластикалық бөтелкеден пайдалы зат жасауға болады. Сіздердің назарларыңызға 4 сынып оқушысы Демеубек Нуралидың анасымен бірге дайындаған гүл салатын сауыттарын ұсынбақшымыз. Әр шаңырақта гүлдер өсіріледі. Өйткені гүл бөлмедегі ауаны тазартады, әрі бөлмеге хош иіс беріп тұрады. Біз өзімізге қажетті затты дүкеннен не базардан сатып алуға дайын тұрамыз. Бірақ кейбір заттарды әдемі етіп, қолдан да жасауға болады. Ол үшін: пластик бөтелке, қайшы, ыстық желім қажет. Сауыт жылдам жасалады. Соныман қоса, бұл қолдан жасалған гүл сауыттары тіпті дүкеннен сатып алынғаннан да әдемі болып шығады. Осы гүл сауыттарын жасауға кеңес беремін. Фантазиямызды іске қоссақ, қалдықтардан осындай керемет заттар жасауға болады. Қалдықтарды пайдаға жарата білейік.