Эко волонтёр Косбармакова Акгул "Қалдықтарды дұрыс сұрыптау" сұхбаты
«Қалдықтарды дұрыс сұрыптау» сұхбат
Эко-волонтер, математика мұғалімі Косбармакова А.К. «Барыс» сауда үйіндегі көпшілік тамақтану орындарында «Қалдықтарды дұрыс сұрыптау» тақырыбында сұхбат жүргізді. Бұл жерлерде қоқысқа өте көп пластик бутылкалар, картон кораптар және тамақ қалдықтары тасталынады екен. Тұрмыс қалдықтарын сұрыптамаудың салдарынан адамзаттың табиғатқа тигізіп жатқан зияны жайлы айтылып, қалдықтарды сұрыптауға кеңес берілді. Тамақтану орындарында көп мөлшерде шығатын тамақ қалдықтары да қоқысқа тасталынса, қоршаған ортаға қауіпті. Олар қоқыста шіріп микробтарды тудырады, салдарынан түрлі аурулар көбейеді, сондай –ақ қоқыс полигондарына түскен тамақ қалдықтары басқа заттармен араласып ыдырағанда улы газдар бөлінеді, климатымызды өзгертетін, парник газдарын да бөледі, жанған жағдайда диоксиндер түзеді. Сондықтан да, тамақ қалдықтарын қоқысқа тастамай, оларды үй жануарларына немесе малға азық ретінде пайдалануға немесе жер үйде, саяжайда жерге көміп, бақшаға тыңайтқыш ретінде қолдануға кеңес берілді.
