Қосарлы есіктің пайдасы

Үйдің сыртқы есігі қос есікті болғаны дұрыс. Қос есік жылуды жақсы сақтайды. Отынға жұмсалатын ақшаны үнемдеуге де мүмкіндік туады. Қос есіктің болуы сырттағы жағымсыз иістерден, шудан қорғайды. Сыртқы есіктер көбінесе ауыр, мықты болып қойылса, ішкі есіктер үйдегі бөлме есіктеріне және жиһаздарға сай таңдалады. Үйге қос есікті қоюдың басты пайдасы – үйдегі жылудың сақталуы, сол арқылы эко іздің аз болуы, ауаға көмірқышқыл газының аз бөлінуі болады. Қосарлы есік арқылы қоршаған ортаны ластанудан сақтауға аз да болса үлес қосуға болады.