«Жаңа жылдық шамшырақ»

Барша адамзат асыға күтетін Жаңа Жыл мерекесі жақындап келеді. Үлкен де, кіші де осы мерекені үлкен үмітпен қарсы алады. Дайындық жасайды, дүкендерден бір-біріне тарту ететін түрлі сыйлықтар сатып алады. Қазіргідей қиын жағдайда артық шығын шығармай сол сыйлықтарды қолдан жасауға қалай қарайсыз?! Ол үшін бұрын тұтынған киімдерден жұмсақ ойыншықтар, бойтұмарлар жасауға болады. Пластик бөтелке, кәмпит қағаздары, сыйлық орайтын қаптама қағаздарды пайдаланып, үстел үсті шамшырағын жасадық. Алдымен, пластик бөтелкеге сыйлық орайтын қаптама қағаздардан жасалған қималарды салдық. Сосын, бөтелке ернеуіне кәмпит қағаздардан жасалған раушан гүлдерін және жылтыр, қағаз моншақтарын жапсырдық. Соңынан ескі электрлік гирляндымен көркемдедік. Қорапқа салып немесе қорапсыз да сыйлауға болады. Үйдегі бар қалдықтардан жақындарымызға тамаша сыйлықтар жасайық!