Көктемгі бау – бақшаға дайындық
«Жылда ақпан, наурыз айлары келе салысымен бау – бақшаға егетін бақшалық өсімдік көшеттерін егуді бастаймыз. Күз кезіндегі бау – бақшадан жинаған мол өнімнің тұқымын жинап алып қоямын. Көктем басталар кезде, алынған тұқымдарды көшеттер егетін арнайы қораптармен сауыттарға органикалық қара топыраққа отырғызамын. Егілген көшеттерді күн ара тамшылатып ылғалдандыра отырып суарамын. Бір апта, 10 күн ішінде егілген көшеттер біртіндеп өне бастайды. Күн қызып, бақшалық егілетін жер өңделіп дайындалған кезде жақсы көтерілген көшеттерді қондыра бастаймыз. Бұндағы айтпағым, күз кезіндегі бақшалық өнімдердің тұқымдарын алып, өз қолыңмен көшеттерді өсіру пайдалы. Таза экологиялық өнім алуға болады әрі отбасы қаражатын да үнемдеуге мол мүмкіндік аласыздар» – дейді мектеп ата-анасы –Ермек. Ол химиялық қоспасыз, таза өнім өсіруге көпшілікті шақырады.
