“АТА-АНАЛАР ШЕБЕРЛІГІ ИНСТИТУТЫ” аясында «Тал егу – сауапты іс» атты тал отырғызу экологиялық акциясы өтті.

Халқымызда «Атадан мал қалғанша, тал қалсын» деген аталы сөз бар. Асыл дінімізде де тал егу, жеміс ағаштарын отырғызу сауапты амал саналады. Бір адам қазған құдықтан мың адам су ішсе, бір адам еккен ағаштың көлеңкесі де көп адамға сая болады. Осындай сауапты істі жүзеге асыру, мектебіміздің маңын жасыл желекке айналдыру мақсатында ата – аналарымыздың белсенді бастамасымен, жеміс ағаштары отырғызылды. Өйткені, жерге шаншылған әрбір тал күтімі жақсы болса, күні ертең жапырағы жайқалып, жазда сая, қыста қамал болады. Әрі экологиялық ахуалды жақсартып, қоңыржай климатты қалыптастыруға оң әсерін тигізеді. Осындай экологиялық акцияға қатысқан барлық аталарымызға және ата – аналарға үлкен алғыс білдіреміз.