"Баршаға әрі жеке арналған мектеп" жобасы аясында оқыту мен оқу үдерісін жетілдіру және дамыту мақсатында Lesson Study (сабақты зерттеу) тәсілі бойынша 3 "А" сыныбында математика пәнінен зерттеу сабағы өтті.

30.01.2024 жылы "Баршаға әрі жеке арналған мектеп" жобасы аясында оқыту мен оқу үдерісін жетілдіру және дамыту мақсатында Lesson Study (сабақты зерттеу) тәсілі бойынша  3 "А" сыныбында математика пәнінен зерттеу сабағы өтті. Тақырыбы: Текше, тікбұрышты параллелепипед.  Сабақта өткенді еске түсіру «Инсайд-аутсайд секл» әдісі арқылы жүзеге асты. Оқушылар ішкі шеңбер мен сыртқы шеңбер арқылы кері бағытта айнала жүріп, өз қолындағы мәліметке сәйкес нұсқаны тапты. Жаңа тақырып бойынша «Onlinemektep» платформасынан алынған бейнеролик көрсетіліп, тікбұрышты параллелепипед  және оның қасиеттерімен танысты. Оқушылардың өздігінен ізденуіне жағдай жасау мақсатында  «Мен зерттеушімін» әдісі арқылы топтық жұмыс ұсынылды. Оқушылар тапсырманың дескрипторына сәйкес тікбұрышты паралелепипедтің жазбасын жасап, моделін әзірледі, қорытынды жасады.  «Кел, жұптасайық» әдісімен текше мен паралелепипедтің айырмашылығын, ұқсастығын атап, кестені толтырды. Бағалау парағы арқылы өзіндік бағалау жасалды. Рефлексия: «3-2-1»  әдісімен жүргізілді. Оқушылар: бүгінгі сабақта «мен үйренген 3 ұғым», «мен орындаған 2 тапсырма» және «мені ойландырған 1 сұрақ», - деп нақты дәлелдерін ұсынды. Зерттеу тобындағы ұстаздар сабаққа қатысып, А,В,С оқушыларынан сұхбат алды. Сабақ жоспары оқушылардың өздігінен білім алуларына, ізденуіне бағытталып жоспарланған. Пән мұғалімі: М.М.Ашимова.