"Жасыл сақшылар" тобы

Біздің мектепте "Жасыл сақшылар"отряды ұйымдастырылды. Топ мүшелері мектептегі электр энергиясын, суды үнемді пайдалануды және мектеп бөлмелерінің санитарлық жағдайын өз бақылауына алды. Электр энергиясы мен суды қалай үнемдеу керектігі туралы жадынамалар ілді. 
     Бақылау кезінде олар оқушылармен түсіндіру жұмыстарын жүргізді. Сонымен қатар күнделікті қажет емес жерлерде жанып тұрған жарықты сөндіріп, босқа ағып жатқан су  крандарды жауып, шашылған қағаздар мен бөлкелерді жинады. Барлық жағымсыз фактілер арнайы журналға енгізіліп, онда не істеу керек екенін атап өтті. Кезекші сыныптар бұл ақпараттарды өз жұмысында  пайдалануы үшін жедел мәлімет кезекші мұғалімге беріп отырды. Күн сайын олар "мектеп бойынша экологиялық мәлімет" журналына жедел мәліметтерді жинақтады, онда судың жоғалуы туралы, электр энергиясының ұтымсыз пайдаланылуы туралы, сондай-ақ сынып бөлмелерінің санитарлық жағдайы туралы мәліметтер жазылған.
"Жасыл сақшылар" отряды алдағы уақытта  экологиялық мәліметтерді әр түрлі плакаттар мен графиктер, суреттер, өлеңдер түрінде ресімдеуді жоспарлап отыр. Мұндай экомәліметтер арнайы стендке ілінеді, сондықтан барлық оқушылар қанша мөлшерде суды ысырап етіп және электр  қуатын үтымсыз пайдаланып отырғандарын көре алатын болады.
Бұл іс-шараға барлық 1-11 сынып оқушылары қатысты./818 оқушы/