«Оқуға құштар мектеп» жобасы аясында өткен "Кітапханаға кітап сыйла" акциясы

Қазіргі таңда елімізде оқушы жастардың кітап оқымайтыны туралы жиі айтылатыны жасырын емес. Жалпы, оқушылар кітап оқымай ма, әлде мектеп оқушылары қызығып оқитын көркем әдебиеттер жоқ па деген сұрақтың да ойға оралатыны анық. Жас жеткіншектерді «кітап оқымайды» деп бекерге кінәлай бергенше олар қызығып оқитын кітаптарды көптеп шығарып, мектептерге таратудың маңызы зор. Осы орайда Мемлекет басшысы Қасым – Жомарт Тоқаевтың тапсырмасы аясында ҚР Білім және ғылым министрлігі орта білім саласында «Оқуға құштар мектеп» жобасын іске асыруды тапсырды.   Мемлекет басшысы Қасым – Жомарт  Тоқаев Ұлттық қоғамдық сенім кеңесінің отырысында электронды дәуірдегі дәстүрлі кітапхананың ағартушылық рөліне тоқталып, мектеп кітапханаларының кітап қорын жаңалап, толықтырудың аса маңызды міндет екендігін атап өткендей, Осы «Оқуға құштар мектеп» жобасы аясында «№3 ЖОББМК» КММ «Кітапханаға кітап сыйла» акциясын өткізіп, әртүрлі ұйымдармен байланыс орнатты.  Осы акция аясында қаламыздың жауапкершілік серіктестігі "Силикат"   заводының демеушілігімен 38 дана балаларға арналған әртүрлі әдебиеттерді сыйға жіберді. Балаларға арналған көркем әдебиеттерді сыйға тартқаны үшін ЖШС "Силикат"  заводының ұжымына мектеп ұжымының атынан алғыс білдіреміз!!!