« Тұрмыс қалдықтарынан жасалған сенсорикалық құрал» 3-4 жастағы балаларды түстерді ажырата білуге арналған

Бұл құрал 3- 4 жастағы ақыл ойы енді дамып келе жатқан балаларға арналған таптырмас құрал деуге болады. Осы 3- 4 жастағы балалар көбіне түстерді тез табуға және ажыратып айтуға өте қиналады. Сол кезде осы сенсорикалық құралдың көп пайдасы бар. Сондай – ақ бүлдіршіндердің ұсақ қол моторикасы да жақсы дамитын болады. Алдымен керекті қорапты таңдап алып, оған әр түрлі – түсті желімді қағазды шаршылап қиып жапсырады. Пластик қақпақтардың үстіңгі бетіне қақпақ диаметрімен бірдей дөңгелектер қиып оны жапсырады. Қорап бетіне жапсырған түстердің әрқайсысына қақпақтар сиятындай ұяшықтарды кесіп дайындайды. Соңында қақпақтарды кері шығарып алатын қораптың бір бүйірінен тағы бір әйнекше қияды. Барлығы дайын болған соң, түстеріне сәйкес ұяшыққа пластик қақпақтарды салуға болады. Ешқандай көп қаражат жұмсаудың қажеті жоқ. Қажетті заттар: кез келген шағын қорап, айран, сүттен босап қалған пластик қақпақтар, ыстық желім, түлі түсті аракал желімді қағаз, (жәй қағазда болады), концелярлық пышақ, қайшы. Жылдам әрі тегін құралды өз қолымыздан жасап, бүлдіршіндеріміздің ақыл ойын дамытуға баршаңызды шақырамын.