3-сыныптарда «Тауар қапталамаларын дұрыс таңдай білейік!» тақырыбында сабақ өткізілді.

3 «А» сыныбында пән мұғалімі «Презентацияға дыбыс және бейне қою» тақырыбын «Тауар қапталамаларын дұрыс таңдай білейік!» тақырыбымен байланыстыра отырып ұйымдастырды. Мақсаты: тұрмыстық қатты қалдықтарды сұрыптау мен олардың қаптамаларын дұрыс таңдай білуге үйреу. 
Сабақта оқушыларға қатты тұрмыстық қалдықтар туралы бейнероликтер көрсетіліп, тауар қапталамаларының қандай зияны бар, қайта өңдеуге болатын түрлері туралы ақпараттар берілді. Практикалық жұмыс ретінде оқушылар осы тақырыпта презентация жасады. Оқушылар сабақ соңында өз ойларымен, ұсыныстарымен бөлісті. Олар ендігі уақытта ата-анасымен немесе өздері дүкенге барғанда тауар қаптамаларына назар аударатындарын, жанындағы адамдарға сабақта алған білімдерін айтып, насихат  жұмыстарын жүргізетіндерін айтты.