Жазғы еңбек

Біздің бүгінгі кейіпкеріміз – Тұрсынғалиев Қайсар 4 сыныпты тамамдады. Қазір Байтоғас ауылындағы ата-әжесінде демалысын өткізуде. Таза ауада табиғи тағамдар жеп, демалысын пайдалы еңбекпен ұштастыруда. Үлкен қожалықта сиыр өсіріледі. Сиыр малының әрқайсысы нөмірленген. Оны құлақтарындағы сырғадан көруге болады. Мал дәрігері оларға бақылау жасап, уақытымен екпе салып отырады. Қайсар үлкендерге көмектеседі. Сиырларын, бұзауларын суғарады. Сиыр – өсімді әрі пайдалы мал. Етін, сүтін күнделікті тұтынамыз. Сүтінен қаймақ, май, айран, қатық, құрт, ірімшік, сүзбе жасалады. Кейіпкеріміз малды күтудің қыр-сырын үйреніп жүр.